Camiñata a San Andrés de Teixido

O vindeiro 19 de outubro, O Sendeiro organiza unha camiñata dende Ortigueira ata San Andrés de Teixido, con volta en microbús.

Máis información sobre esta ruta na web de O Sendeiro.

I Encontro de BTT

O domingo 6 de abril, haberá un encontro de BTT con saída ás 9:30 da Ría de Mera para realizar un percorrido poola zona do Ortegal de 50 km máis ou menos (unhas 4 horas).

Haberá unha quedada para xantar en Casa Giz despois da ruta para aqueles que queiran confraternizar un pouco máis. O xantar págase a escote.

Reunión da Asociación de Comercio de Ortigueira o día 31 de marzo

A Asociación de Comercio de Ortigueira convoca a todos os interesados do gremio do comercio na zona, a unha reunión que se celebrará o próximo día 31 de marzo ás 20:30 horas no antigo hospital de San Roque, na rúa Príncipe nº 5 (O Ponto) en Ortigueira.

O sendeiro

O sendeiro é unha iniciativa de Manolo Sanjurjo que pretende agrupar a camiñantes interesados en facer rutas polo ortegal. Cada mes, Manolo elabora con mimo unha ruta e avisa a todo o mundo das condicións da mesma: lonxitude, duración, dureza, se se volta para xantar, etc.