Inicio dos mércores da natureza no Vicedo

Un dos puntos fortes do Vicedo e da Mariña é a natureza. O Vicedo fai desta fortaleza o seu eslogan turístico "NATUREZA ENVOLVENTE" e cada ano organiza os chamados mércores de natureza onde se prepara algún tipo de actividade relacionada co entorno natural do concello e da comarca (pode ser ruta de sendeirismo, ruta de kayak, rutas mixtas, etc).

Inicio das actividades da natureza no Vicedo

Desde hai uns anos todos os mércores do verán véñense organizando os chamados "mércores de natureza". Trátase de actividades que tratan de resaltar a beleza natural da nosa comarca combinado con actividade física lixeira en forma de rutas de sendeirismo, rutas en kayaks ou mesmo a combinación das dúas.

Curso de fotografía macro en Ortigueira

O próximo 16 de maio Fran Nieto un fotógrafo de ampla experiencia en fotografía da natureza en colaboración coa asociación Galioart impartirá un curso sobre fotografía macro en Ortigueira.

V Curso de supervivencia no medio natural

A cargo de JAIME BARRALLO, os  días 20, 21 e 22 de xuño, impartirase o Curso de supervivencia no medio natural. Unha experiencia única para descubrir unha nova visión da natureza. 

Barrallo ntroduciranos nunha viaxe polos lugares máis salvaxes do planeta e nas estratexias empreadas polos grupos indíxenas que os habitan, combinándoo coas técnicas de supervivencia más modernas.

Día mundial das brañas o 2 de febreiro

O próximo domingo, 2 de febreiro, celebramos o Día Mundial das Brañas coa difusión do video "Brañas: mantendo o noso planeta con vida saudable" que relata a importancia das brañas para os seres humanos e os problemas que enfrontan eses fráxiles recursos. A proxección farase en bucle entre as 11:00 e as 14:00 do domingo.

Asociación Calidris

A Asociación Calidris é un grupo de xente que comparte o gusto pola ornitoloxía. Calídris é unha boa opción para coñecer o entorno e desfrutar da natureza e a fotografía xunto con outras persoas que posúen as mesmas inquedanzas que ti tés. Na súa páxina web pódese ver unha boa mostra da súa actividade.

V Xornadas ornitolóxicas da Fundación Ortegalia

A Fundación Ortegalia organizada esta actividade de especial interese non só para os afeccionados a esta práctica senón, sobre todo, para os propietarios de establecementos de turismo interesados en favorecer a diversificación e desestacionalización do sector e a aumentar a competitividade das empresas turísticas mediante o aproveitamento deste recurso natural.

I Xornada micolóxica

Se queres coñecer o mundo das setas, o vindeiro 16 de novembro ás 10:00 da mañá no centro social de Loiba terá lugar a I xornada micolóxica organizada pola Asociación de veciños Os Cubanos de Loiba.

O sendeiro

O sendeiro é unha iniciativa de Manolo Sanjurjo que pretende agrupar a camiñantes interesados en facer rutas polo ortegal. Cada mes, Manolo elabora con mimo unha ruta e avisa a todo o mundo das condicións da mesma: lonxitude, duración, dureza, se se volta para xantar, etc.