Coñecendo a fórmula cooperativa en Mañón

Desde a Oficina de Fomento Cooperativo do Ortegal, seguindo coa súa actividade de difusión do cooperativismo, no marco da Rede Eusumo, no ámbito dos Concellos de Cariño, Cerdido, Mañón e Ortigueira, queren informar de que o próximo día 1 de abril, mércores, celebrarase na Casa do Concello de Mañón (Praza do Mesón, 1 - O Barqueiro), a charla "Coñecendo a fórmula cooperativa" a partir das 19 horas.


Esta charla pretende amosar as vantaxes e particularidades da fórmula cooperativa como modelo empresarial máis axeitado para emprender nos momentos actuais:

• Achegar o modelo cooperativo a persoas desempregadas e persoas que están a buscar unha alternativa de autoemprego.
• Dar a coñecer o modelo cooperativo: as súas características e particularidades.
• Coñecer os pasos para crear un proxecto cooperativo.
• Amosar os recursos e ferramentas a disposición do impulso ao cooperativismo.

Pódese consultar o programa da Charla no seguinte documento.

A charla ten carácter gratuíto e é aberta a todo o público. Entregarase diploma de asistencia.

Para inscribirse:

• Indicar nome e apelidos, DNI, teléfono e correo electrónico no 981974104 ou en maria.lopez@concellodeortigueira.co

Datos de contacto

María López Parapar

Oficina de Fomento Cooperativo do Ortegal

Agrupación de Concellos de Cariño, Cerdido, Mañón e Ortigueira

Tfno: 981.974.104.

E-mail: maria.lopez@concellodeortigueira.com

            cooperativa@concellodecarino.com