Moi boas, esta semana adiantámonos un día para
tratar de facer unha predición para estes 4 días de Semana Santa.
Comezamos esta semana con bo tempo e
temperaturas altas, incluso por riba da media. Parece que nos vindeiros días
non teremos esta calor. De cara o sábado e sobre todo domingo as temperaturas
baixaran considerablemente, pasaremos dos mais de 20 de hoxe os 15 que
poderemos ter o domingo de máxima. As choiva parece que pode aparecer a partir
do venres a tardiña-noite, sábado mantemos esa posibilidade, pero pouca cousa
chovera, quizais o domingo choiva un pouco mais, pero tampouco se agarda nada
significativo polo que non ten por que impedirvos gozar destes festivos.
Quería explicarvos dunha forma simple os mapas
que estou colgando, a medida que vai poñendo novas cousas tratarei de
explicalas para que todos as entendades.
Os mapas que puxen ata agora ilustran moi ben
a situación dominante, pero só con eles é case imposible facer unha predición.
Amosan a presión en superficie, expresada en isóbaras(liñas que unen puntos da
mesma presión) e tamén a presión el altura, expresada por cores.
As altas presións en superficie son os
coñecidos anticiclóns danse cando a presión e superior a 1013Hpa. Xiran no
sentido das agullas do reloxo no hemisferio norte e o revés no hemisferio sur, indicándonos
dependendo da súa posición a dirección
do vento así como a súa intensidade interpretada pola separación entre elas.
Canto mais xuntas estean con mais forza soprara o vento.
As
baixas presións son as borrascas, cando a presión e inferior a 1013Hpa. Xiran
no sentido contrario as agullas do reloxo no hemisferio norte e o revés no
hemisferio sur, neles as isóbaras están mais xuntas. En altura pasa o mesmo
temos borrascas e anticiclóns. Non sempre concorda a situación de altura coa de
superficie o que dificulta mais a predición. Polo xeral un anticiclón é
indicativo de bo tempo é unha borrasca de mal tempo…pero temos moitos outros
factores que inflúen, como a dirección do vento, a temperatura das masas de
aire, a radiación..
Seguirei pouco a pouco contándovos mais cousas
e calquera cuestión ou proposta non dubidedes en comentala.
Predición para os próximos días:
-Xoves día 17; esta xornada vira marcada por
un pequeno cambio de tempo, os ventos pasaran a Nordés arrastrando humidade que
se traducira nun considerable aumento das nubes así como das néboas que
apareceran a primeiras e ultimas horas, podendo ser persistentes nalgunhas
zonas da nosa comarca. As temperaturas baixaran e non chegaremos os 20 grados.
O día será moi fermoso para camiñar, pasear,
coñecer e visitar, nin chovera nin teremos a calor de hoxe.
-Venres día 18; teremos un día mais aberto có
xoves, aínda que a medida que se acerque a noite podemos ter algún chuvasco. O vento
continuara do Nordés frouxo e as temperaturas volveran a subir podendo
superarse os 20 grados.
Previsiblemente teremos o mellor día destes catro,
a pesar de que a noitiña poida chover algo, no resto do día o tempo será moi
agradable.
-Sábado día 19; o día vira marcado por un
empeoramento progresivo do tempo, con descenso das temperaturas e posibilidade
dalgunha precipitación que non será moi importante nin debería condicionar
moito a xornada. Os ventos serán frouxos de dirección variable e as
temperaturas non pasaran dos 16- 17 grados.
-Domingo día 20; previsiblemente teremos o
peor día da semana, con baixas presións en altura e superficie acompañadas de
aire frío en altura provocaran chuvascos e mais fresquiño, as temperaturas non
creo que pasen dos 15 grados e os ventos tenderan a soprar de compoñente Norte
algo moderados.
