Predición 14/7/2016 ó 17/7/2016

Moi boas a tod@s!!!!

Comezamos esta semana cun aumento da nubosidade,  algún pequeno orballo e tamén con grandes momentos de sol. A situación tende a estabilizarse totalmente coa chegada dunha masa de aire cálido que fará subir bastante as temperaturas. Os ceos permaneceran practicamente despexados ata a xornada do domingo que entrara algunha nube sen moita importancia.

Predición 8/7/2016 ó 10/7/2016

Moi boas a tod@s!!!!

Comezamos esta semana con peor tempo do agardado na maioría da comarca, aínda que se notou unha boa diferenza entre os concellos de Cedeira e Cerdido có resto de concellos. A circulación de nordés arrastrou bastante humidade e mantivo os ceos moi cubertos e con algunha precipitación feble nos concellos o este da Capelada, mentres que u oeste gozouse de mellor tempo.

Predición 1/7/2016 ó 3/7/2016

Moi boas a tod@s!!!!

Comezamos esta semana con alternancia de xornadas mais cubertas e outras de grandes claros e a tendencia e a seguir nunha situación semellante. Seguramente que maña teñamos algunha precipitación feble pero sábado e domingo xa serán dúas xornadas de alternancia de nubes e claros con grandes momentos de sol.

Predición 24/6/2016 o 26/6/2016

Moi boas a tod@s!!!!!!

Comezamos esta semana con ceos bastante despexados e temperaturas altas. Dende onte sufrimos un cambio que de momento pouca precipitación deixou…estaría ben que aguantase así toda a noite pero a verdade non esta nada doada a situación e seguramente choiva algo, de tódolos xeitos non será gran cousa.

Predición 17/6/2016 o 19/6/2016

Moi boas a tod@s!!!

Comezamos esta semana cun importante empeoramento do tempo. Choveu e refrescou bastante, ata o punto que parece que estamos no mes de abril. Pouco a pouco a situación irase recuperando e a vindeira semana ten pinta de ser moi distinta a esta.

Predición 10/6/2016 o 12/6/2016

Moi boas a tod@s!!!

Comezamos esta semana con bastante bo tempo e unha importante suba das temperaturas, hoxe xoves xa tivemos cambios e a entrada dunha fronte moi desfeita. Maña venres continuaremos con algo de inestabilidade, mentres que o sábado gozaremos dunha xornada moi agradable de ceos con poucas nubes e temperaturas en ascenso. Na xornada do domingo chegaran as nubes e algunha precipitación de cara a tarde-noite.

Predición 3/6/2016 o 5/6/2016

Moi boas a tod@s!!!

Comezamos esta semana con bastante bo tempo e temperaturas moi agradables, nas vindeiras xornadas aumentaran algo as nubes e poida que choiva algo o sábado de pouca importancia  e todo con temperaturas moi agradables.

Predición 27/5/2016 o 29/5/2016

Moi boas a tod@s!!!!

Comezamos esta semana cun tempo moi primaveral, momentos de sol, algunha precipitación e temperaturas agradables aínda que algunha xornada foi fresquiña. Durante os vindeiros días a inestabilidade tendera a aumentar e así as choivas e tronadas serán frecuentes sobre todo durante as tardes.

Predición 20/5/2016 o 22/5/2016

Moi boas a tod@s!!!

Comezamos esta semana con bo tempo pero dende o mércores se estragou coa chegada de abundante nubosidade e algunha precipitación feble. Maña venres notaremos unha importante mellora, con suba de temperaturas e bastante sol. O sábado xa nos cruzara unha fronte durante a tarde e o domingo outra a primeiras horas. Luns teremos unha xornada moi agradable cun importante ascenso das temperaturas e ceos bastante despexados,  o martes chegan as precipitacións novamente e parece que se quedaran durante gran parte da semana, iso si, con temperaturas moi agradables.

Predición 13/5/2016 o 15/5/2016

Moi boas a tod@s!!!!

Comezamos esta semana con bastante inestabilidade que se traduciu en chuvascos e algunha tronada. A borrasca segue movéndose cara Europa deixándonos aínda ata a xornada de sábado con abundante nubosidade e precipitacións febles pero persistentes por momentos. A partir da tarde do sábado a situación tendera a mellorar, gozando de abundante sol na xornada do domingo e tamén no comezo da vindeira semana.

Predición 6/5/2016 o 8/5/2016

Moi boas a tod@s!!!

Comezamos esta semana cun tempo moi agradable e unha suba progresiva das temperaturas acadando valores de verán na xornada do mércores. Xa na xornada de hoxe notamos un cambio do tempo que se vai traducir en abundante nubosidade, ambiente bochornoso e algunhas precipitacións que probablemente sexan mais importantes na xornada do domingo.

Predición 29/4/2016 o 1/5/2016

Moi boas a tod@s!!!!

Comezamos esta semana con bastante bo tempo a pesar do ambiente fresco a da nubosidade que nalgún momento foi abundante. Durante os vindeiros días continuaremos cunha situación semellante. Seguramente o sábado a primeiras horas teñamos algún pequeno orballo. Tamén destacar o importante descenso das temperaturas mínimas na xornada de maña venres e na do domingo.

Predición 22/4/2016 o 24/4/2016

Moi boas a tod@s!!!

Comezamos esta semana con tempo revolto pero cunha progresiva suba das temperaturas e con precipitacións sobre todo durante as tardes. Parece que así seguiremos ata a xornada do domingo, cando os ventos mudaran a nordés e as precipitacións nos darán unha tregua que agardo que dure ata mediados da vindeira semana.

Predición 15/4/2016 o 17/4/2016

Moi boas a tod@s!!!!

Comezamos esta semana cun tempo primaveral aínda que con bastante fresquiño. Momentos de sol e precipitacións sobre todo durante as tardes. Durante a xornada de maña venres cruzaranos unha fronte e xa durante a fin de semana quedaremos con chuvascos, seguramente que con algunha tronada e con temperaturas frescas.

Predición 8/4/2016 o 10/4/2016

Moi boas a tod@s!!!!

Comezamos esta semana con ambiente fresco e algunha precipitación pouco importante. Dirixímonos cara un novo empeoramento do tempo sobre todo a partir da xornada de sábado. Unha profunda borrasca descolgase dende o noroeste e situarase durante bastantes xornadas nas proximidades de Galicia.

Predición 1/4/2016 o 3/4/2016

Moi boas a tod@s!!!

Comezamos esta semana con precipitacións abondosas e bastante continuas. Hoxe tivemos unha mellora considerable e maña tamén será un día moi agradable, a pesar de que comezara con moito frío. Xa durante a noite de maña comezara novamente a empeorar a situación, unha nova borrasca traerá precipitacións e algo de vento, así como un descenso das temperaturas máximas.

Predición 25/3/2016 o 27/3/2016

Moi boas a tod@s!!!!

Comezamos esta semana con bastante nubosidade, algunha precipitación e ambiente frío. Hoxe tivemos unha mellora transitoria do tempo xa que nos diriximos cara un empeoramento, sobre todo a partir da xornada de sábado e moi seguramente durante a vindeira semana. Falaríamos novamente da entrada de temporais de vento, auga e moi mala mar, con ondas e ventos importantes.

Predición 18/3/2016 o 20/3/2016

Moi boas a tod@s!!!!!!!

Comezamos esta semana cun tempo seco, soleado e con temperaturas frías pola maña e durante as noites pero bastante agradables durante o día. Dirixímonos cara un empeoramento do tempo coa a chegada de aire frío en altura e a formación dunha pequena baixa que ocasionara chuvascos.

Predición 11/3/2016 o 13/3/2016

Moi boas a tod@s!!!

Comezamos esta semana con ambiente fresco e precipitacións. Todo parece indicar que a partir de maña a medio día ira mellorando o tempo, parece que o anticiclón ascende cara o norte deixándonos no seu radio de acción ata mediados da vindeira semana...logo...iremos vendo.

Predición 4/3/2016 o 6/3/2016

Moi boas a tod@s!!!!

Comezamos esta semana cunha mellora transitoria do tempo acompañada dunha suba das temperaturas. Pouco o pouco foi empeorando a situación e maña venres teremos novamente unha entrada fría, que volvera deixar unha fin de semana de chuvascos, frío, granizo e neve que poderá volver aparecer en zonas altas, próximas a comarca, como no alto do Caxado ou na Gañidoira.