Moi boas a tod@s!!!!
Comezamos
esta semana cun tempo cambiante e con algunha precipitación. A partir desta
noite dirixímonos cara un cambio de tempo moi importante. Unha masa de aire moi
fría de orixe polar chegara a nos durante a tarde-noite de maña.
Durante esta
noite e a maña de venres cruzaranos unha fronte fría con choivas, tralo seu
paso chegaran os chuvascos, con tronadas, granizo e cota de neve que ira en
descenso chegando o seu momento mais baixo durante a noite, xa na madrugada de
sábado. Penso que cunha situación de tanto frío en altura, bastante en
superficie e cuns xeopotenciais tan baixos poida nevar puntualmente en zonas
moi baixas, incluso da costa, callar seguramente calle por encima dos 200 ou
300 metros, así o sábado levantarémonos con neve en moitos puntos da nosa
comarca. A continuación amoso os mapas de temperaturas a 500hpa(5.500m), a
850hpa(aproximadamente 1.500m) e a presión durante a noite de maña venres.
Tal e como
vos dixera, esta última fin de semana do mes promete ser moi fría e con algunha
sorpresa. É moi complicado calcular a cota de neve e mais en zonas costeiras
onde a acción mariña é moi importante, hai moitos factores que interveñen. O
frío en superficie non é suficiente para que neve o nivel do mar, pero si que temos
moitísimo frío en altura..veremos que pasa.
Despediremos
este mes con frío e penso que a pesar de que o novo mes comezara cun ascenso
das temperaturas será un mes de marzo moi frío, con varias entradas frías e
algunha mais longa e se cadra mais importante que as deste mes. Vexo as pezas
moi ben situadas para ter un mes tal e
como vos conto...iremos vendo.
Gozade da
fin de semana e moito coidadiño.
Predición para os próximos días:
-Venres día 26; comezaremos o día con precipitacións polo
paso dunha fronte fría, tralo seu paso quedara unha xornada de chuvascos, que
poderán ser fortes, de granizo e acompañados de tronadas, ademais a cota de
neve ira descendendo…e moito. As temperaturas sufriran un descendo acusado,
tanto mínimas como máximas, alcanzándose as mínimas a derradeiras horas da
xornada. Os ventos serán moderados do noroeste, quedando frouxos de cara a
noite.
-Sábado
día 27; moi
probablemente espertara a comarca cuberta de neve a partir duns 200 ou 300
metros. Será unha xornada de chuvascos e a cota de neve ira subindo quedando
durante a tarde nuns 600m. Os chuvascos serán mais frecuentes durante a tarde
podendo ser novamente de granizo e acompañados dalgunha tronada. As
temperaturas serán moi baixas, con mínimas baixo cero nas zonas mais altas da
comarca e as máximas, nos mellores lugares, quedaran nos 8 ou 9 grados. Os
ventos serán moderados do noroeste.
-Domingo día 28; será unha xornada de chuvascos moito menos
importantes e frecuentes que as xornadas anteriores, a neve xa estará en cotas
mais altas e as temperaturas subiran. Os ventos serán do norte moderados.
¡¡¡¡MOI BOA FIN DE SEMANA A TOD@S!!!!
