Moi boas a tod@s!!!!
Comezamos
esta semana cun tempo moi invernal e parece que pouco a pouco mellorara algo a
situación, descenderan as temperaturas bastante pero as precipitacións serán
escasas. Maña, venres, podemos ter algún chuvasco que incluso pode ser de
granizo, pero será moi puntual e logo ata domingo a tarde non agardamos
precipitacións e serán de carácter débil.
Facendo un pequeno
resumo do ano 2015 e comparándoo cos últimos anos, podemos dicir que foi un ano
cálido, pero menos que o 2011 e un ano normal en canto a precipitacións..non
así a súa distribución, xa que agosto por exemplo foi o terceiro mes mais
chuvioso do ano. Un inverno húmido que deu paso a unha primaveira algo seca así
como o comezo do verán. A segunda parte do verán e incluso o comezo do outono
foron húmidos para rematar o ano cun novembro e decembro moi secos.
De momento
no que levamos de ano xa levamos mais precipitación que todo outubro, novembro e
decembro xuntos, levamos uns 400litros por metro cadrado…que non esta nada mal,
unha cuarta parte do total da media que caeu nos últimos anos na nosa comarca.
Despois das
enchentes dos ríos e regatos da semana pasada os modelos intuían unha entrada
fría para esta semana, que o final foi quedando descafeinada, aínda que maña e
pasado fará moito frío, non será unha ola de frío. Os modelos levan bastante
tempo dando grandes cambios a partir de 3-4 días vista, mudando en cada saída a
evolución do tempo. Moita da culpa destes cambios eran dunha borrasca situada o
sur das azores, borrasca con características tropicais e que na xornada de hoxe
se converteu en furacán de categoría I (podendo acadar aínda a categoría II),
algo bastante insólito, non polas latitudes se non mais ben pola época do ano
na que nos atopamos. Temos referencias doutro parecido no ano 1955. Este pasara
polas illas azores con bastante intensidade e desprazarase cara o
norte-noroeste entrando na circulación xeral atmosférica e perdendo as características
de furacán. A nos non chegara a
afectarnos pero seguirá condicionando a evolución dos modelos nos vindeiros
días.
IMAXES DO FURACÁN "ALEX"
Predición para os próximos días:
-Venres día 15; termos un día de nubes e claros coa
probabilidade dalgún chuvasco pola maña que incluso pode ser de granizo. As
temperaturas descenderan bastante, sobre todo as mínimas e as máximas non pasaran
dos 10 ou 11ºC. Os ventos serán frouxos do nordés.
-Sábado
día 16; agardo unha
xornada de grandes momentos de sol e cun descenso das temperaturas mínimas,
dando lugar a posible aparición de xeadas. Os ventos serán de dirección
variable frouxos.
-Domingo día 17; comezaremos a xornada cun aumento da
nubosidade e a posibilidade de precipitacións, sobre todo cara a tarde-noite,
cando unha fronte nos atravesara, deixando precipitacións débiles en xeral. As
temperaturas mínimas subiran bastante e as máximas manteranse sen grandes
cambios. Os ventos serán do suroeste aumentando de intensidade e acadando
refachos fortes.
