Presentación páxina web Memorias do Vicedo para as parroquias de Riobarba, Cabanas e Negradas

Ademais da presentación da web de fotografías antigas www.memoriasdovicedo.org  que xa se fixo na Casa da Cultura do Vicedo o 19 de novembro, están previstos 2 actos máis nas parroquias para animar a xente a que coñeza a web e se anime a subir fotografías antigas do noso municipio. O primeiro acto será mañá mércores ás 19h30 na Escola Unitaria de Riobarba e están convocados os veciños de Riobarba, Cabanas e Negrada.



Neste acto mostrarase a nova web coas súas múltiples aplicacións e posibilidades de interacción así como a posibilidade de subir fotografías antigas desde a casa. Por outra parte, tamén haberá a posibilidade de escanear alí mesmo as fotos que nos traigan para que os veciños que o desexen non teñan que desprazarse a Vicedo para que sexan escaneadas.
Esta web foi deseñada pola empresa Abertal e na parte de contidos fotográficos participaron os alumnos da Aula Cemit.

O segundo dos actos será na Escola Unitaria do Folgueiro o xoves ás 19h e están convocados os veciños das parroquias de Suegos, Mosende e San Román.

Máis información: Natalia: 619 00 95 26

Máis información:
Casa da Cultura O Vicedo
Tlf: 982  59 01 95
www.concellodovicedo.org
www.casaculturavicedo.blogspot.com