Moi boas a tod@s!!!!
Comezamos
esta semana cun tempo moi inestable, choivas e ventos intensos foron o
predominante nas primeiras xornadas. Logo foi mellorando pouco a pouco e hoxe,
xoves gozamos dunha xornada moi agradable. Maña venres teremos unha xornada moi
agradable e xa de cara o sábado o tempo ira empeorando pouco a pouco, chegando
as choivas que serán intensas por momentos durante a noite do sábado e xornada
do domingo.
Os restos do
Furacán Joaquín achéganse polo Atlántico, perdendo intensidade e converténdose
nunha borrasca. As precipitacións parece que serán algo importantes durante a noite
do sábado e a xornada do domingo continuando seguramente o luns.
Parece que a
partir de martes-mércores mellorara a situación coa chegada de ventos do nordés,
iso si, con mais fresco.
Predición para os próximos días:
-Venres día 9; será unha xornada moi agradable con ceos practicamente
despexados e suba das temperaturas, máximas por riba dos 20ºC. Os ventos estarán
practicamente en calma.
-Sábado día 10; notaremos un progresivo empeoramento do tempo
co amento das nubes e a chegada dalgunha precipitación que durante a noite será
intensa. As temperaturas descenderan algo, pero seguiran moi agradables. Os
ventos serán de dirección variable frouxos.
-Domingo día 11; teremos un día de abundantes precipitacións,
non esta claro en que momento da xornada serán mais frecuentes, pero si se
agarda que sexan intensas por momentos. As temperaturas manteranse en valores
semellantes e os ventos de dirección variable frouxos en xeral.
