Moi boas a tod@s!!!!!!
Comezamos
esta semana cun tempo bastante outonal, con algo de choiva, abundante
nubosidade e temperaturas frescas. A situación ira mellorando pouco a pouco e
gozaremos dunha fin de semana sen precipitacións e con suba das temperaturas.
Parece que
os modelos van coincidindo ata xoves ou venres da vindeira semana e amosan bo
tempo en xeral, situación de nordés-leste. Ausencia de precipitacións con
algunha nubosidade e moitos momentos despexados. Xa iremos vendo que vai
acontecendo e que tempo nos deparara a vindeira fin de semana, cando terán
lugar as “III Olimpíadas Rurais de
Couzadoiro”.
Despedimos o
mes pasado, na nosa comarca, con 4 veces mais precipitación da media dos
últimos anos, converténdose no terceiro mes mais chuvioso do que vai de ano. Isto
entra dentro da variabilidade climática da nosa rexión e pasa cada certo tempo.
Predición para os próximos días:
-Venres día 4; comezaremos con abundantes nubes
que iran dando paso a momentos de sol e cunha tímida suba das temperaturas que
roldaran os 20ºC. Os ventos serán do nordés algo moderados nas horas centrais
do día.
-Sábado día 5; teremos unha xornada de nubes e claros, con
mais nubosidade a primeiras horas. As temperaturas máximas andaran polos 20ºC e
os ventos continuaran do nordés algo moderados nas horas centrais do día.
-Domingo día 6; seguramente sexa o mellor día da semana, con
ceos bastante despexados e temperaturas ascendendo, máximas derredor dos 22ºC.
Os ventos continuaran do nordés frouxos en xeral.
