Moi boas a tod@s!!!!!!
Comezamos
esta semana con bo tempo novamente e parece que moito non mudara no que resta
de semana. Teremos os ventos de dirección variable, pero maioritariamente serán
do oeste, achegando algo de humidade pero moi dificilmente chovera e de facelo
será en forma de orballo moi feble.
As borrascas
situadas no atlántico norte tenderon a desprazarse algo o sur ocasionando un
cambio na dirección do vento, que manterá unhas temperaturas altas e con
humidade. Algunha fronte moi desfeita rozaranos nas vindeiras xornadas, facendo
aumentar a nubosidade por momentos e non descartando algún orballo.
Na vindeira
semana parece se volve a intuír algunha precipitación, así xa me pasou a semana
pasada e…a ver que pasa, pero a seca comeza a ser importante e os nosos campos, cultivos, xardíns, fontes,
regatos...teñen ganas dunha pouca de auga. A seca que temos neste momento é
comparable a que podemos ter nun ano normal no mes de setembro.
Gozade do
festival de Ortigueira e non vos preocupedes polo tempo que será bastante bo!!!
Predición para os próximos días:
-Venres día 17; será unha xornada de nubes e
claros coa posibilidade dalgunha pequena orballada, mais probable pola maña e
durante a noite, de caer algo será moi pouca cousa. As temperaturas máximas
descenderan algo, pero andaran preto dos 25ºC nas zonas mais favorables e as
mínimas arredor dos 15ºC. O vento será de dirección variable frouxiño.
-Sábado día 18; teremos novamente un día de nubes e claros
con tendencia a aumentar a nubosidade a medida que avance a xornada e xa
durante a noite podemos ter algún orballo moi feble. As temperaturas manteranse
en valores moi semellantes e os ventos serán do oeste-suroeste frouxos.
-Domingo día 19; será unha xornada de nubes e claros con
grandes momentos de sol. As temperaturas continuaran en valores semellantes e
os ventos serán do oeste frouxos.
