Moi boas a tod@s!!!! !!
Comezamos esta semana con bo tempo e o novo
mes tamén comezou cun tempo moi agradable e ceos despexados. Parece que maña teremos un
día moi bo incluso con suba de temperaturas. O sábado xa se estragara este
tempo tan agradable, unha fronte moi desfeita rozaranos e deixara algunha choiva
e un importante descenso de temperaturas, mais acusado durante a tarde. Será un
pequeno anticipo do outono que comezaremos a sentir durante a vindeira semana.
O domingo teremos unha xornada de nubes e claros e coa posibilidade dalgún
chuvasco illado.
BOA FIN DE SEMANA A TOD@S!!!!!
Na vindeira semana un centro de baixas
presións profundo situarase u oeste de Irlanda, nesa posición permanecera
estacionario varias xornadas debido a un bloqueo que se configurara en Centro-Europa
. Isto ocasionara a chegada de ventos de compoñente Suroeste-Oeste que traerán
precipitacións e tempo claramente outonal.
Aproveitade estes días para recoller froita ou
incluso algunha semente que aínda este na horta e tamén pa sementar os nabos os
poucos que quededes por facelo. Parece que a vindeira semana o tempo non acompañara
moito e ademais froitas como figos e uvas esta choiva non lles fará nada ben.
Predición para os próximos días:
-Venres día 3; será unha xornada moi agradable con algunha
nube mais que hoxe, pero con menos vento e mais calor, as temperaturas máximas
nas zonas mellor expostas alcanzaran os 25 ou 26ºC. Os ventos serán frouxos de
Nordés xirando a Suroeste pola tardiña-noite.
-Sábado día 4; teremos un importante cambio de tempo, con
baixada das temperaturas máximas do orde de 5ºC e suba das mínimas. As choivas
aparecerán en calquera momento pero mais probables durante a tarde e non serán
moi importantes. Os ventos comezaran de Suroeste moderados para mudar a
Noroeste e a Nordés xa durante a noite.
-Domingo día 5; despois do paso da fronte bastante desfeita
da xornada anterior o tempo tendera a mellorar quedando un día de nubes e
claros e coa posibilidade dalgunha precipitación feble. As temperaturas
manteranse en valores parecidos ou poida que suban moi lixeiramente.
BOA FIN DE SEMANA A TOD@S!!!!!
