Moi boas a tod@s!
Comezamos esta semana cun cambio de tempo
importante. As temperaturas descenderon considerablemente e as choivas foron
aparecendo aínda que tamén algunha raiola de Sol. Parece que o tempo non ten pinta de
mudar nas vindeiras xornadas e incluso me atrevería a dicir no que resta de
mes. A situación será moi parecida, con algún dia mellor pero moi similares a
estes últimos.
Boa fin de semana a tod@s
¡Nunca chove a gusto de todos! A pesar do que
moitos poidan pensar as choivas do inverno non evitan que poidamos ter unha
seca importante no remate do verán. A primavera esta sendo seca e de vir un verán
seco poderíamos ter problemas serios en setembro e incluso outubro. A nosa
terra seca moi axiña, fixádevos como ían os ríos xa…e aínda estamos a pouco
mais que a mediados de mes de maio. O campo e a horta tamén precisan esta
choiva, a nosa terra e verde e chea de regatos e ríos que necesitan alimentarse.
En conclusión esta choiva esta sendo ben vida e penso que sería positivo ter
algo mais de choiva durante dúas ou tres semanas e logo xa gozar de bo tempo no
verán sen esquecer que algún día ocasional, no verán, a choiva tamén é
necesaria. Espero non molestar a ninguén coa miña opinión, e tede en conta que o
tempo comportarase como el queira e eu estarei aquí tratando de facer a mellor
predición.
Estes vindeiros días as actividades o aire
libre estarán moi condicionadas polo tempo, aínda que agardo que as choivas non
sexan continuas, si poderán aparecer en calquera momento e con sensación de frío.
Os traballos no campo tampouco terán un tempo apropiado pero de tódolos xeitos
sempre se pode saír a pasear, coñecer, visitar...Levade algún paraugas ou chuvasqueiro e
aproveitade as raiolas de sol que algunha teremos.
Estoume liando moito pero tamén me gustaría explicarvos
a situación que estamos a vivir.
Temos altas presións en centroeuropa ben definidas, tanto en altura como en
superficie ocasionando un bloqueo e impedindo que as borrascas sigan a súa
traxectoria típica (de oeste a este) descolgándose así unha potente bagoada con
moito aire frío. Esta situación manterase así mentres continúe o bloqueo.
Noutro momento explicareivos o que é o “jet stream” e a importancia que ten
pero por hoxe vai dabondo.
Predición para os próximos días:
-Venres día 23; non teremos cambios
salientables nas condicións do tempo con respecto a xornada de hoxe, poida que
baixen un chisco as temperaturas, con valores que non superaran os 15 grados.
Os chuvascos serán mais frecuentes e importantes pola maña e o vento será de
compoñente oeste (W) noroeste (NW) algo moderado.
-Sábado día 24; nesta xornada o tempo non
cambiara moito, os chuvascos poderán aparecer en calquera momento e o ambiente
seguira a ser fresco, con temperaturas que poida que baixen aínda algo ou
se manteñan, máximas inferiores a 15 grados. O vento tendera a ser de
compoñente noroeste (NW) frouxo.
-Domingo día 25; Seguiremos coa mesma
tendencia que días anteriores, chuvascos intermitentes e probables en calquera
momento do día, temperaturas frescas e ventos que continuaran sendo de compoñente
noroeste (NW) frouxos.
Boa fin de semana a tod@s
