Moi boas! Xa estamos a xoves, a fin de semana
esta pretiño e toca falar un pouco do tempo.
Comezamos a semana con tempo moi primaveral,
algo de choiva o luns e hoxe xoves. A tendencia e a seguir con este tempo aínda
que as temperaturas baixaran bastante con respecto o día bochornoso de hoxe.
Para Semana Santa podo observar (vendo o que
amosan os modelos estes días) que teremos un tempo estable os primeiros día da
semana, empeorando a partir do mércores, cando comezaremos con
precipitacións e un descenso das
temperaturas moi acusado. Esta predición é moi complicada, pero esa é a
tendencia que se ve hoxe e se leva vendo xa
uns días.
Nas miñas predicións pouco a pouco tratarei de
ir poñendo algún exemplo de actividades ou traballos que poderemos facer
durante os días da predición. Estas actividades sempre estarán vinculadas a
Comarca e moitas delas serán de agricultura e gandería, sector que ocupa unha
gran porcentaxe de xente da nosa Comarca. Esta fin de semana a humidade será moi abundante con algunha choiva a cal limitara un pouco algunha actividade, de todas maneiras o que choiva será moi pouco e miudiño polo que nada de quedar na casa a saír e desfrutar da nosa marabillosa Comarca.
Predición para este fin de semana:
-Venres día 11; teremos unha xornada con
restos de aire frío en altura con nubosidade abundante e algunha choiva mais
probable a primeira e ultimas horas da xornada. Nas zonas mais altas e probable
que teñamos néboas. Os ventos serán de compoñente Nordés, e as temperaturas
baixaran bastante con respecto o día de hoxe.
-Sábado día 12; a nubosidade seguira abundante
sobre todo nas primeiras e derradeiras horas da xornada, onde de novo teremos a
posibilidade de algunha auga, pero moi pouca cousa. Nas zonas mais altas volve
ser probable a presenza dalgunha néboa. Os ventos continuaran de compoñente
Nordés e as temperaturas moi parecidas o día anterior.
-Domingo día 13; previsiblemente as nubes non
serán tan abundantes e as posibilidades de algunha precipitación desapareceran. Os ventos colleran unha compoñente mais
leste e as temperaturas poida que suban algo.
