E ti que fas no Ortegal?: Museo Ortegalia

O Museo Ortegalia na súa exposición permanente ofrece un percorrido interactivo pola prehistoria, protohistoria e historia do Ortegal. O patrimonio natural preséntase a través dun punto de interpretación da Ría de Ortigueira e do complexo xeolóxico de Cabo Ortegal.

Entre os contidos do Museo destacan a cámara megalítica máis antiga de Galicia (4.400 a. C.) procedente da Necrópole de Forno dos Mouros da serra de Coriscada, a arracada de ouro do depósito castrexo de Punta dos Prados, así como un acuario no que se poden observar algunhas das especies máis características da ría.

Ao longo do ano, este centro acolle exposicións temporais de temática variada e actividades formativas.

Horario do museo: 11:00h a 14:00h e de 17:00h a 20:00h, sábados e domingos de 11:00h a 14:00h
Entrada gratuita